Plantun de Prouvènço

Pèr coumpara dos planto d'encò nostre

Arabis hirsuta & Valeriana montana

Arabis hirsuta

Brassicaceae Cruciferae

Nom en français : Arabette hérissée.

Descripcioun :
Aquesto arabeto èi mens coumuno que l'arabeto-di-silico-pato. Li fueio de la cambo an quàsi pas d'auriho e li péu soun simple o bifide e pas mai. Li boudousco rèston sarrado contro la tijo. Es uno meno que s'atrobo mai en mountagno mejano. Coumpara emé l'arabeto-di-silico-plato.

Usanço :
Li fueio de l'arabeto-peludo soun manjadisso emai sèmblo pas que i'ague au nostre aquesto usanço. N'en sabèn pas mai sus aquelo planto. Escriéure au site s'avès d'entresigne.

Port : Erbo
Taio : 10 à 80 (100) cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Arabis
Famiho : Brassicaceae
Famiho classico : Cruciferae

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Tepiero roucaiouso
Estànci : Coulinen à Subaupen
Couroulougi : Éurasiatico
Ref. sc. : Arabis hirsuta (L.) Scop., 1772

Valeriano(-de-mountagno)

Valeriana montana

Caprifoliaceae Valerianaceae

Nom en français : Valériane des montagnes.

Descripcioun :
Aquesto valeriano trachis en mountagno ounte fai de mato. Semblo proun à Valeriana rotundifolia. Li fueio soun un pau verdalo e en cors à la baso pèr Valeriana rotundifolia alor qu'èi pas lou cas pèr Valeriana montana. Valeriana tripteris tambèn ié sèmblo, fau bèn regarda li fueio de la cambo que soun proun diferènto, emé tres fueioun. Coumpara emé la valeriano-di-fueio-roundo.

Usanço :
La racino se bèu en tisano contro li mau de dènt e de "nèrvi" (vèire la valeriano), P. Lieutaghi, op.cit. p. 551 .

Port : Erbo
Taio : Pancaro entresigna
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Valeriana
Famiho : Caprifoliaceae
Famiho classico : Valerianaceae

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 800 à 2600 m
Aparado : Noun

Liò : Auto mountagno - Mountagno mejano - Roucas
Estànci : Mountagnard à Subaupen
Couroulougi : Pancaro entresigna
Ref. sc. : Valeriana montana L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Arabis hirsuta & Valeriana montana

ges

Coumpara Arabeto(-peludo) emé uno autro planto

Coumpara Valeriano(-de-mountagno) emé uno autro planto